حينما يكون القدر

((ياما بكيت وعاوزأبكى))

بيلومنى ليه أبكى كتير
وقالوا البكا من طبع النسا
وأكيدعيب كبير نشوفك كده ضعيف
وديما دموعك على الخدود بتجرى
زاد بكاى وكتر حزنى
وكنت عاوز منهم كلمة لسلوتى
أفرح بيها وترفع عنى بلوتى
وشوفت فى عنيهم غلظة وأستهجان
قلت الله يرحم أيام زمان
كانت الناس تشيل الهم وتسأل عن المجروح
وإحنا بقينا فى زمن قاسى يشمت فيك الحبيب
ويسعد لمايشوفك مدبوح
أشكيك لمين يازمن ولا أشكى كترالنوح
الحب جبار خلف معى نار فى القلب لسّاعة
بيوجع قلبى ولا منه طيب ولاساعة
آه ياناسى وياأهلى ويا خلانى
أنا وحدى تعبان وبأعانى
تركنى الحبيب بعدما فنيت فى حبه زمانى
أعذرونى كان كل دنيتى وكان لى كل الأمانى
أسكنته قلبى وروحى ووجدانى
عشقه وهواه ملأ جسدى وكيانى
كان أنفاسى ونبضى وكان وكان حبه يسرى فى شريانى..
أعذرونى من يوم هجره لى ونسيانى
مريض أنا ..تعبان أنا وبأعانى
حسيت بغربة وفرقة حسيت بقيت وحدانى
غريب عن روحى وقلبى بيصرخ الشوق للحبيب ضنانى
سهران ليلى ولنجوم السما أحكى مواجيعى
آه مواجيعى هى بس اللى سمعانى
أعذرونى ياأهلى وياكل خلانى
راح الحبيب وأخد معاه الفرحة أخدالبسمة
وترك لى همومى وأحزانى
أنابس صعبان عليا إنى ولامرة وحدة تركته ثوانى
ليه هو يقسى عليا ؟ ليه نسى حب كان؟
ليه نسى دفى أحضان ؟
ليه للعهود والوعود خان؟
كل شيئ فى دنيتنا تغير تبدل بقى مغشوش
حتى القلوب قاسية والكدب مرسوم على الوشوش
مين لى غيرك ياربى عنى تحوش
تعبت أناياربى وفيك الأمل ومنك الرجا
عاوز أحس إنى سعيد ومش منحوس

رفعت