سجل حضورك ببيت شعر يلامس أحساسك

يا شبيه الريم يا الطرف الخجول

يا عيون الحر يا بها الجمال

يا فريد الحسن يا الريم الجفول

واصفك اشبه ما يقارب للخيال

من جمالك تسلب اصحاب العقول

وعذابي من غرابيل اليال

فيك من ريم الفلا طبعا يهول

اذكرك لا شفت هذاك الغزال

يا عنود الصيد يا بنت الزحول

ما علينا من حكي قيلا وقال

يا شبه وضحا تباري للرحول

تصتفق بالذود كن فيها جفال

بكرة محد لغاربها يطول

هزعة بسناد زاويها الحيال

وارجع لبنت على قلبي تنول

والهوا طوع صناديد الرجال

لا تريضني وانا طبعي عجول

لا دعيتك يا بعد روحي تعال

دار حول ودار عقب الحول حول

وانت مبعد ليه يا سمح القبال

احسب احساب الطلوع من النزول

واحسب حساب الطمان من الجبال

ولنا من باقي الناس معزول

كن في قلبي من الهاجس خلال

ما تشوف الحال صاير في نحول

منحني زولي كما قوس الهلال

لا تخليني كذا جالس واقول

حسبي الله من قلب حالي لحال

عاتي لا صرت ملقالاي قبول

ابتعد لو كان في بعدي زوال

جاك قولي وانت قلي وش تقول

قول رح واروح والا قل تعال

اكتمل الشوق
وملأ القلب
بالحب
وأصبحت مدمنه هواك

خذ أجمل أوقات يومي عقب ماتصبح
وخذ أعذب الشعر وإحساسه وجمهوره

وإن قلت لي وش تبي؟ بقول لوتسمح
أبي صباحي معك بالصوت والصوره

تجرح ونفسي من الطعنات ما اهتمت ..
وحدايق الشوق بعدك مالها ساقي ..


اكثر مشاعر غرامي ذبلت وماتت ..
وش عاد تنطر بعد كمل على الباقي ..

ادري تتابعني بخلف الكواليس
وتسوي نفسك مايهمك قصيدي

تبي خلاصة هالغـلا والاحاسيس
مافيه غيرك اقصـده في جديدي

كيفَ أهربٌ منه؟ إنَّه قدَري
‏هَل يمْلِك النَّهر تغييرًا لمَجْراهُ؟

كانك تبي تعرف غلاتك معي خص
لازم تشوف بعيـن قلبـك شويـه

باللهجه المصرية: بأؤلك تعال بص

بعيون .. ألبـك .. بـص بصـه عليـه

واذا بغيت اقنعك باقـول لـك اص

واسمع ..صدى صوت المشاعر خفيه

الصباح اجمل مع حضرة جنابك
فيه ود وفيه عشق وفيه شوق
الصباح لا جيت يقول يا هلا بك
والقصيد يرحب بك يامنبع الذوق

_

تطري علي واشتاق لك واتخيلك
وانسى منامي والتهي في خيالك

عليت فوق الكل قدرك وشانك
ومن الغلا لك داخل القلب بستان

ان ضاق فيك الكون قلبي مكانك
لاقبلك انسان ولابعدك انسان