ديوااان الشاعر ســــــلطان زمـــانه

قالت احبك ..قلت كذابه انتي ...
قالت وربي.. قلت امنت بالله...
قالت وقعت ..قلت كان انتبهتي ..
قالت قليبي ..قلت اتحمل اخطاه..
قالت جروحي .. قلت ليه انجرحتي..
قالت صدودك.. قلت قلبي وما جاه ..
قالت عذابك.. قلت يوم كذبتي ..
قالت ضروفي ..قلت كلن وليلاه ..
قالت توداع ..قلت كانك سمحتي ..
قالت ترخص لي ..قلت غالي وماغلاه..
قالت اهجرك ..قلت كانك اقتنعتي ..`
قالت وحبي ..قلت يوم كنت سلواه..
قالت معاني ..قلت توك عرفتي ..
قالت بتخسر.. قلت وش الى كسبناه ..
قالت مخادع ..قلت ما صدقتي ..
قالت اناني.. قلت مبداء رفضناه..
قالت كتبت ..قلت وش كتبتي ..
قالت فراقك.. قلت وقعت ادناه ..
قالت ظليمه.. قلت قاضي وحكمتي ..
قالت ظلمتك.. قلت الحمدلله

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

مــابقى لي قلب يشفع لك خطــيه
* * * ذوبته جــــــروح صدك والخطــايا

صاحبي بالله لاتــعتب عليّه
* * * العتب ماعــاد تاسعه الــحنايا

كل جرحٍ فات لي منّك هديه
* * * وش بــلاك تخاف من رد الهدايا !!

اعتلي يانفس واعقل ياخفوق
.وارقدي ياعين وارحل ياهوى

بنصحك ياقلب لايطويك شوق
روحته مع جيته عندي سوى

من يحطك تحت لاتعليه فوق
ومن يحطك فوق يبشر لانوى

الكرامة مايوطيها امخلوق
والنجم لاطاح قالوله هوى

بسكات انا جيتك.. وبروح بسكات
اببتعد واقول.. هذا مقدر

قصرت وسواتك معي ماهي سواة
هذا مع اني فيك.. ماكنت اقصر

لبّـا عيونـك ولبّـا خـدّك وخـالـه .. ولبّـــــا المحيّـا ولبّــــــــــا الليـل والشّفّـه
.
فديـت عمـرك بتجريحـه وغربالـه .. لو تشربه لارض غيره والبحر جفّـــه
.
هلّي كما البدر غيضي كـل حفّالـه .. وسجّي عن الليل لا يلهيك في صفّـه
.
وهزّي على صوت رجف القلب وهباله .. الطار قلبـي وكـفٍ توجعـه شفّـه
.
يا شفّة العيـن قبـل تجيـن جمّالـه .. وجيتي ولا شفت غيرك لو رفع كفّــــه
.
كنّك لحالك حضرتي الحفـل فالصالـه .. ولا شفت غيرك بشر يا قمّـة العفّـه
.
أنتي زعيـمٍ رفـع للقـوم فنجالـه .. وكلٍ تعـذّر شروبـه ليلـة الزّفــــــــــه
.
وانتي بيمنى الحلا والنـاس بشمالـه .. ثقيلة العقـل فيـك الـدم يـا خفّـــــه
.
احيي قصيدٍ بغيت ابكي على اطلالـه .. في غيرك يموت لو أحييـه وازفّـه
.
وان عـوّدت للغـلا غـلاك بلحالـه .. أنتي بكفّه باقـي النـاس فـي كفّــــــــه

أبشرك ما عاد يوجعني فراق
وأقسى وجع يزول بثواني
عودت قلبي لا حمل هم أو ضاق
ارمي ولا أسال عن اللي رماني
وعودت نفسي للمتاهات ما انساق
ولا أسيل دمع عيني واعاني
وخل الحياة تروح والعمر ارزاق
يمكن مع الأيام يضحك زماني

اللي عزف على فراقي لحن

بعزف على فراقه انا ألحان

واللي هجرني اليوم بليا سبب

بهجره ولو تشتعل بهجره نيران

رحت ابطفي بالبكا نار الحريق
.................... واثــرني طـــفـّـيت عـــيــني بالـلـــهَـب

صاحبي ما عاد لي نفس ٍ تطيق
.................... وماعلى المحروم من نفسه ...عتــَب