قلب وردة حنان يعزف حبا لمن يعشق

افتح شبابيك الهـوى جيتـك اليـوم
.... بحساس من زود الوله عده ايطيـر


جيتك مثل طفلن له ايـام محـروم
.... عن حضن امـه بعدتـه المقاديـر


وجيتك مثل عودن له ايـام مهمـوم
... . وده يلاقـي باخـر الوقـت تقديـر


وجيتك حضن عاشق وهايم ومغروم
.... وده يضمك لين تصبح علـى خير


متى تحس ان الهوى شـي مقسـوم
.... من قسمة الخالق على خلقه يصيـر


ومتى تحس اني لك اطيـح واقـوم
.... واتعب على شانك واقدرك وآغيـر


لي في هواك احلام وامال وعلـوم
.... واحزاب واصحاب وقصيد وجماهير

وهموم وافكار وهواجيـس وحلـوم
.... وادروب واخطار وعذاب ومشاوير


وحب وغلا واخلاص ومعاند ولوم
.... واحساس واللهام وشعور وتفاكيـر


وصحبة سهر ومقاطعة لـذة النـوم
.... واشواق جياشـه وعشـق وتعابيـر


في ذمتك مابان لـك شـي مكتـوم
.... من بعد ماصورت الاوضاع تصوير


لاتحسب انك شي عابـر ومعـدوم
.... وتاريخ حبك فـاق كـل الاساطيـر


كنـي لقيتـك بأغنيـه لأم كلـثـوم
.... وكني قريتك في روايـة شكسبيـر


في كل شي اتخيلك واسمعـك دوم
.... واتأملك في الوقت الأول ولآخيـر

من ماضي الأيـام لايومـك اليـوم
.... وغلاك عندي ماحصل فيـه تغييـر

وانا لك الله مأقبـل البيـع والسـوم
.... ولا ارضى علي ولاعليك المخاسير

لاْني الوحيد اللي على بحرك يعـوم
.... واللي عرف مرساه في رحلة السير

لحظه حبيبي قبل يسبقني النـوم
.... بضم صدرك لين تصبح على خيـر

ن غلاتك .. ليتني كونك وأضمّك واحتويك
ومن حلاتك .. صرت أنا الحاسد أجوع وماشْبعك

والله أنّي أحْسد النسمة إذا مرّت عليك
وأحْسد عطورك وذاك الخاتم اللي باصبعك

وأحْسد خطوط الكفوف اللي تحلّت في يديك
وأحْسد اللي في حياته عايش ٍ عمره معك

وأحْسد الضحكة إلى منْ غازَلَتْها شفّتيك
وأحْسد الكلمة إلى من نوّخت في مسمعك

وأحسْد الأشياء لامنْ لامستها راحتيك
وأحسْد لباس ٍ يضمّك في وسَطْهُ ويجمعك

وأحْسد اللي جاد حظّه وألتقى في ناظريك
وأحْسد دموع ٍ تحدّر يالغلا من مدمعك

وش بقى يعني واحَسْده منك يالغالي وفيك ؟؟
حتّى ظلّك قد حسدته يوم شفته يتبعك !!

سمّني عقب الحكي هذا "( الحسود اللي يبيك )"
مابقى غير إنّي أحسد نفسي لو أجلس معك

الصديق الحقيقي:
هو الصديق الذي تكون معه , كما تكون وحدك ( اي هو الانسان الذي تعتبره بمثابة النفس .


الصديق الحقيقي:

هو الذي يقبل عذرك : ويسامحك أذا أخطأت ويسد محلك في غيابك .


الصديق الحقيقي :
هو الذي يظن بك الظن الحسن .وأذا أخطأت بحقه يلتمس العذر ويقول في نفسه لعله لم يقصد .