ما الكلمة التي تود قولها الان

لـو الغلا و الحب يوزن بميزان
مـا أظـن يـوزن بـالموازين حبي
و إن كـان غـيـري يـرسـم أشـكـال و ألـوان
أنـا رسمتك فـي شرايين قلبي

كل كلمه منك تعطيني كثير
وكل ضحكه منك تهديني حياة

قربك دوا روحـي و مصدر سروري
و غلاك ؟ ثـبّـت فـي ضلوعي محـلّه
أبختصر لك .. مـا يكـنّه شعـوري
وجـودك بدنـياي نعمة مِن الله

‏كل المعاني في وجودك قصـــــــيده
وكل المشاعر عقب عيـنك ولا شي

يا ملهم احساس الغـــــلا من وريده
ياليل عمري يا سنا الشمس والضي

لو المشاعر ماتجي غير بالصوت
بذلت لك بالصوت زايد حنيني
واقول احبك حيل وافداك للموت
حبك يولع نار الاشواق فيني
بس المحبه شي اكبر من الصوت
والحب اكبر من مكاتيب ايديني

نيابة عن كل المشاعر والأشواق
جيتك غلا والود يسبق حروفي

الله عطاك من المحبه بالأعماق
صرت بحياتي مثل سمعي وشوفي

ياللي تمسيني على شوق بالخير
يسعـد مســـاك وطلتك ياحيــاتي
تنشد عن احوالي ابشرك انا بخير
دامك بقلبــــي يالغــــلا لا تحاتي

انا معّك في داخلك وين ما رحت
كل الجهات اللّي تحيطك جِهاتي

يفنى الكلام وتنتهي كل الاشعار
لا جيت أبوصف قدرك المعتلي فوق
وأضيع في بحر المعاني والافكار
وأقول مامثلك على الكون مخلوق

اجمل هدايا العمر انسان يغليگ
‏واجمل هدايا الحب انسان وافي

‏روحه رهينه للگ وبالعمر يفديگ
‏فيه الوفاء والعهد للحب صافي