هات حكمة من بيت شعر

وانته يا ابو مالك كسبت الرباحي
بردان تسقي وراعي الزرع مرتاح
لك وجبةٍ تلبسك زين الوشاحي
تكرم رفيقك والخطاطير سياح
وتنضب تصب لو كان ماها شحاحي
اشوى من اللي يرقب السيل نطاح
مرة يسيل ومرة ما يلاحي
لكن ربك قد تكفل بالارواح

ما اخطاك ما اصابك ولو كان راميك
واللي يصيبك لو تتقيت ما اخطاك
مير استمع مني عسى الله يهديك
النصح يا مالك لك الله مولاك
عندي مظنة ما تمثلتها فيك
واطلب لك التوفيق من عند مولاك

لاتنتظر رد الجمايل والارباح
ولاتلتفت في طيبك اللي صنعته
الطيب بوجيه الكريمين ماراح
والا الردي ماينفعك لونفعته

يارب اهدي اولادي خذ باياديهم اليك ووفقهم
لطاعتك يارب ولاتريني فيهم مايبكيني عليهم
ومتعني ببرهن في حياتي وبعد مماتي
واولاد المسلمين جميعا

قصيدة الملك فيصل باخيه فهد
خلوه يرقد والليالي تصحيه
يقوم من نومه بليا منادي
لاغاب عنه الي من اول مكفيه
توه يعرف انه عن الرشد غادي
يمضي حياته في زمانه يربيه
تظهر عليه الشمس عقب البرادي

اقسى ماقيل في الانهزام

انا لست ضعيفا لكن الخصم كان عائلتي ........!!!!!!!!

انهزام مؤلم

من عز نفسه مايذلونه الناس
ومن ذل نفسه لايدور معزه
والحر يكفح بالسما دون مقياس
وعش الحمام يطيح ليا اهتز هزة

صمتك عن الزلات طيب وشجاعه
تكبر بعين اللي على الطيب رباك
خلك سوات الضلع عزم ومناعه
لايزعلك هرج الردي لوتقفاك

خلوني اافرح في حياتي وانا حي
ولامنت مدري جثتي من دفنها
خلقت بالدنبا وانا مامعي شي
وباروح منها مامعي شي منها
لابد مانرحل عن المزح والغي
ونسكن بيوتن قبلنا من سكنها
مسكين يااللي تحسب الواحد شوي
العافية لوتنشرى وش ثمنها

لويموت التواصل بين ليلة ويوم
مماتموت الضمائر في صدور الكرام