ديوااان الشاعر ســــــلطان زمـــانه

جاني وانــا فــي وســط ربـعـي ونـاســي
جـانـي نشلـنـي مـثـل مــا يـنـشـل الـنــاس
****************************
مـنــي نــشــل روح تـشـيــل الـمـآســي
تشـكـي مــن ايــام الشـقـى تشـكـي الـيــاس
****************************
اثــر الالــم فــي سـكـره الـمــوت قـاســي
ماهالـنـي مـثـلـه وانـــا انـســان حســاس
****************************
جـابـوا كـفــن ابـيــض مـقـاسـه مـقـاسـي
ولـفـوا بــه الجـسـم المحـنـط مــع الـــراس
****************************
وشـالـونـي اربـــع بـالـنـعـش ومـتـواســي
علـيـه ومـغـطـى عـلــى جـسـمـي الـبــاس
****************************
وصـلــوا عـلــي وكـلـهـم فـــي مـآســي
ربـعـي ومعـهـم نــاس مــن كــل الاجـنــاس
***************************
يـاكـيـف ســـوا عقـبـنـا تـــاج راســــي
وامــي الحبيـبـه وش ســوى بـهــا الـيــاس
***************************
اسـمـع صــدى صـــوت يـهــز الـرواســي
قـولــو لـهــا لاتـلـطـم الـخــد يــانــاس
**************************
قـولـولـهـا حــــق وتـجـرعــت كــاســي
لاتـحـتـرق كـــل يـبــي يـجــرع الـكــاس
*************************
اصبـحـت فـــي قـبــري ولابـــه مـواســي
واسـمـع قـريــع نعـولـهـم يـــوم تـنــداس
**************************
مــن يــوم قـفـوا حـــل مـوثــق لـبـاسـي
وعـلــى رد الـــروح صـــوت بــالاجــراس
*************************
هـيـكـل غـريــب وقـــال لـيــه التـنـاسـي
صـوتـه رهـيـب وخـلـفـه اثـنـيـن حــراس
**************************
وقــف وقـــال ان كـنــت يـانـمـر نـاســي
هـــاذي هـــي اعـمـالـك تـقــدم بـكــراس
**************************
ومــن هــول ماشفـتـه وقــف شـعـر راســي
وانــهــارت اعـصـابــي ولاارد الانــفـــاس
**************************
يالـيـتـنـي فــكــرت قــبــل انـغـمـاســي
بالـغـفـلـه الــلــي منـتـهـاهـا لــلافــلاس
**************************
وفـزيـت مــن نـومـي عـلـى صــوت نـاسـي
واصــرخ واقــول الـمـوت وأحـــذر الـنــاس
*************************

فــي غــيــابــك


خانت البسمه الشفايف

والقمر ماعاد يطلع

أصبح من الليل خايف

وأنا وآهاتي وشوقي

ننتظر ميعاد زايف



فــي غــيــابــك


كل محطات إنتظاري

تحتضر !

حتى دمعي ..

خانته العبره ..

وجافاه الصبر

وقلبي .. لازال الوصل حلمه

ويدور لك عذر !!



فــي غــيــابــك


أحسد العشاق

بأفراح اللقا

واسترجع أيامي بلا قربك

وألاقيها شقا

وأهرب من أسئلتي

وتلاحقني

وتصرخ بي

وش بقى ؟!



فــي غــيــابــك


صادقتني الحيره .. والآه

وتناهيد السهر

والوفا غاب وتنازل للغدر

وأنا أنتظرك

بس وين العذر ؟!





O?°'¨ همسه لها وحدها ¨'°?o


أحلفك ..

إذا قست دنياي لاتقسى

وإذا بعدت مسافاتك ..

تذكرني ولاتنسى

أنا ميناك ياشراعي

وقلبي ساحل ومرسى

إللي شفته في وصالك مو شويّه ..~
كيف أصبر وآنا في وصلك أعاني ..}


.,.


جيت لك شآيل خفوقي بين إيديّه ..~
مآبغيت إلا من أيآمك ..~ ثوآني ..}


.,.

مآهقيت الدنيآ في قربك رديّه ..~
وقلبك إللي لو طلبته مآعطآني ..}


.,.


البُقى مآباقي في ..~ قلبي بقيّه ..!
مدري منّك طعنتي أو من زمآني ..}


.,.


لاتْرجآني وأعدّي لك ..~ خطيّه ..!
وكل مآ أزعل ، تسمّعني أغآني ..}


.,.


(( أعطِني حُريّتي ..~ أطلِق يَدَيّه ..!
أنّني أعطَيْتُ )) لكنّك ..~ أنآني ..}


.,.


بس تبي تآخذ ولآ ترد " آلعطيّه " ..~ !
وغيرك أعطا / بس منّك مآخذآني ..}


.,.


مآ أبي منّك ..! عطورآت وهديّه ..~
كنت أبي قلبك يبآدلني ..~ حنآني ..}


.,.


غيرك أصلاً إحتِرَق .. قلبَه عليّه ..~
بآع عمره وكل مآ يملِك عشآني ..}


.,.


قلبي [ تفاحه ] .. وحبّك جآذبيّه ..}
مآنِطَرْني أستوي ، فجأه كلآني ..~


.,.


لآتجيني تعتذر ..! عينك قويّه ..}
لأنه قلبك من عذآريبه ..! ملآني ..~


.,.


غلطتي حبيت .. وكلّي عآطفيّه ..}
مآ أشوف العيب وإحسآسي عمآني ..~


.,.


وإلا أنآ لو صآر ضدّي .. ألف وميّه ..}
مآيهزّ إنسآن في لحظه ..! كيآني ..~


.,.


يآحسآفه بسبّتك شفت ..! آلمنيّه ..}
كنت أظنّك شي .. وشفتك شي ثآني ..~


.,.


إنت قلبك كان ..~ مجهول آلهويّه ..}
وعآدي عنده لو خذآ غيري مكآني ..~


.,.


صارت جروحي من أسبآبك : نديّه ..}
وإصرخت لك بس يآ جآرح كفآني ..~


.,.


( قصتي ويآك ) جدًا ..~ وآقعيّه ..}
مآهي حلمٍ .. مَر في بآل آلأمآني ..~


.,.


مآمدآني .. أكتب أبيآت آلوصيّه ..}
والكلآم ، ثقيل أحسّه من لسآني ..~


.,.

القصيده : خانتك ماهي ..~ وفيّه ..}
صرت أكتِب فيك وما ألقى آلمعآني ..~


.,.


بـ النهآيه تكفى ، إطلِق لي يديّه ..}
هل رآى آلحبُّمثل قلبك .!! أنآني ..~


.,.


يآ مُحآمي روح إرفع لي ..~ قضيّه ..}
قلبي مجني .. وهذآ في إيده ، نهآني ..~

أنا اللي يا بعد عمري بقول آسف ولو ما أخطيت
لأن أكبر خطا منك صغير بجنب غلطاتي

أبد ماني قايلك ترفق ليه وش سويت
قل اللي ودك بقلبك تقوله واترك سكاتي

عسى الله لا يعافيني إذ من هرجك انغثيت
سكت من الخجل و الله بلايا خابر سواتي

تفنن يابعد روحي بطعناتي واذ حسيت
بقايا عرق يتنفس بصدري تزيد طعناتي

ما دامه صح كل اللي تقوله فانت ما زليت
واذا زليت هالمرة نسيت وش كثر زلاتي

نسيت أنك تنسيني الزعل كله إلا من جيت
مجرد ضحكة عيونك بنظرة تجمع شتاتي

نسيت وش كثر تغليني كم لك وانت ما مليت
نسيت أن الوفا منك يذكرني بخياناتي

نسيت الله يوم أنك علي من الزعل غنيت
حسبت أشواقنا غابت وخابت فيك هقواتي

عجزت أنطق ولا كلمة بلحظتها سوى يا ليت
يجي لك يوم بإذن الله وتقراها مع أبياتي

هذاني جبتها شفني وازيدك من الغلا لك بيت
مادام انه القصايد فيك توي في بداياتي

أحبك إيه أحبك إي أحبك آآآه لو عديت
من الآحاد من الآلاف تملئ كل خاناتي

حبيبي لا تحاسبني وانا ياما عليك أخطيت
ترى لو مت بديني غفرلي صدق غاياتي

ليش نـزلــتي عيـونـك إرفعيها وطـالعينـي
والا يعني إنحرجتيي يوم جاوبتي ســـــؤالي


ليش قلتيلي أحبــك ليش كنتي تخدعيني
ليش قلتيلي حبيبــي ليش قلتيلـــي ياغالي


كان ممكن ما أحبك كان ممــــكن تتركيني
كان ممكن من بدايه تخـــدعي غيــري بدالي


ليش أنا بالذات يعنـي ليش قولي جاوبيني
بعد غدرك خبريني وقولي بـــس شلي بقالي


والله إنـي ما جرحتك ليش أنتي تجرحيني
هنت على قلبك حسافه وإنقضت أجمل ليالي


والقــهر للحين أحبك وادري إنــــك ماتبيني
والمحبه من طـــــــرف واحد نهايتها زوالــــي


كان عمري بيدينك قولي وش كـان بيـديني
أذكــــر إنه من غلاتك كان قــــدرك فوق عالي


كنت أتجاهل وأطنش يــوم نــغزاتك تجيني
وكنت أقول الحب أكبــر من تصـــرف لا مثالي


أبغــي من وقتك دقيقه وليت أنك تمنحيني
بس أبا أقولك ثلاث أشياء وأروح أمشي لحالي


أولا فعـــلا أحبك كنتـــــــــي قلبي وعيني
وكانت الدنيا بوجودك شي روعــه شي خيالي


ثانيا عاللي بدر مني دخــيلك ســــامحيني
يمكن أنه زل لســـــاني وقلت إنك راس مالي


ثالثا أسألك بالله وأطــــــــــتلبك لا تذكريني
احرقي كل القصايد وانسي أشواقي ووصالي


المهم إني أببعد وأنت روحــــي وأتركيني
ارجعيله ومثلــــــي دور البريئه اللي تبــــالي

أحتاج لك والحاجه ام الاخـــــتراع
واشتاق لك وذبحني الشـــــوق


جمالك الأســـــر عيشني بصـــراع
مابينك وبين القمر اية فروق


كل يوم تعلن حسان الكون اجتماع
يحلون ازمتك يامالك الـــــذوق


شرفتني يا هلا ويا مرحبا الســـاع
فـ المحاني مسكنك وسط الخفوق


نـواظري لشوفتك صــــاروا جياع
يا بلــسم القلب يادوا كـــل عوق


مشاعري متوجهه صوبك بـ اندفاع
وتوصلك مثل النسايم " برفوق"


حكمتني بحبك واعلنت انا الانصياع
يامالك تاج الحسن يا " غرنوق"


خبر زينك انتشر وبالاذاعه انـــذاع
تتسيد صف الحسان وتسوقها سوق


لك انا ضامي اسقني قدر المستطاع
كـن ريقك الصافي بالعسل مخفوق


وارجوك لاتعيشني بعدك في ضياع
تدري اني فـ بعدك اعيش مخنوق


تحتاج لي واحتاج لك ليش الخداع
ليه تقسى وتترك بقلب مغليك شقوق


احتاج لك والحاجه ام الاختراع
ويكفيك غياب ترى ذبحني الشوق

من واقع اللي صار من ذكرياتي
عرفت من يستاهل إني أخاويـه


وأيـّـة حكي من قبل يوصل شفاتي
لازم أفكـّر فيه من قبل لأحكيه


إلين صار الصمت أربع جهاتي
بالذات لامن صرت مع واحد أغليه


بالإمس كنت أهديه كل أغنياتي
واليوم بان الزيف وإنكشفت وجيـه


الناس فيهم من تمنـّى وفاتي
والناس فيهم من يبيني وأناابيه


المشكلة إني طيّب ومن صفاتي
إني إذا شفت الخطأ قمت أعديّـه


خلاص انامليّـت ماعدت أحاتي
واللي يدوّر زلتـّي ويش ابي فيه


درس وفهمته زين فـأول حياتي
مشكور يا حظي على هيك تنبيـه !!


دوّنت هذا الدرس في ذكرياتي
(((عادي تشوف انسان له عشرة وجيه)))

أرجــــوك... كل الحكي معروف... من بدري
مافيه داعي تعيــــــده... شــــــوف لك غيره
تـــــدري...أبــــ آشاركك باللي شغل فكري
وخل الســــوالف.."رحـــى" وقلوبنا تديره
سنتين مرت ..وأشـــــوف الثالثه تجـري
وحنا نجــــامل... وكــل ٍ بان تقصـــــيره
قد قلت لك من زمان.. إن غبت من عذري
ماأقوى على الهم... والغـربال والغــيره
وشلـــون أبقوى.. ودم فراقنا يســري
بعروق الايام ... من كان الصــدر ديره
لين أثقل الهم كتفي... وانحنى ظهري
ودنقت... والبال طـــاح بكفة الحـــيره
وما شفت... بعيونك النعاس..من قدري
غير إني اللي كسر خـــاطر مشـاويرة
تذكر... قبل كم سنه يوم الجفا يطري؟
وتقول لي: بس عــاد... وفضها سيره
كنت إنت؟!.. ولا أظن إني أنا آهــذري
أو هو حلم.. يشتكي من كذب تفســيره
بالحالتين: الحبر جف بــ..ورق عمري
ولا عاد ينفع نعيد..اللي قضى خـــيره
ياأعز من بـــ..اتركـه للبعد وأستـذري
تحت..إني الطهر..وإنه درب ما آسيره
خــلاص...كل ٍ يدور له طريق..أدري
ما نيب أبشكي..جعل بفـراقنا خـــيره
من كم سنه..كنت أعز أنسان في صدري
واليوم دار الزمــان... وفضها ســـــيره

خلاص أنا أبرفع قضيه على الدنيا وما فيها
وأول قضيه أبي أرفعها على حالي

خلاص أنا ماني مكملها أبي أعميها
بحوسها واقلب ألأول على التالي

لاتقولون:سطان ترى ماتقدر تسويها
أنا والله بسويها وراح تعجبكم أفعالي

ياقاضي خلني احكي حروفي كيف أخفيها
ياليتك بس تسمعني وتسمع صوتي العالي

تعبت اسكت نفذ صبري همومي مقدر أحصيها
تعبت جروووح هدتني أغنيها بموالي

دقيقه قبل لاتمشي وقبل هالموت ينهيها
أبيك تكون لي منصف تعدل فيها أحوالي

أنا المظلوم من دنيا عنيده بكل مافيها
أحاول أرضى بالواقع وهي بالهم ترضالي

قساها بعثر أوراقي تغربلني بلاويها
أشد الحبل بمسكها ولكن ضاعت حبالي

خذت مني كثير أحباب وأقول الله يهديها
وش اللي قاعده تسوي بتعذيبي وغربالي

هربت وطحت في حب إنسان أغليه
نساني هموم القلب وكان كل أمالي

كان هو فرحتي وعشقي وكنت بعمري أفديه
منزله وسط قلبي وهواه دوم يحلالي

يساوي الدنيا بعيوني من أولها لتاليها
مدري كيف أوصفه ملاك بكل ألأحوالي

بس الدنيا ماترضى نعيش فوق أراضيها
تبينا نموت بالحسره وتفرق غالي عن غالي

خذتنا بالغصب تبكني و انا أبكيها
وأصح دربنا دربين وصرنا مضرب أمثالي

عساه يفرح ويسعد وعسى ربي يخليه
وعساه يكون مرتاح رغم كل الي جرالي

ياقاضي والله بختمها وأبي تفهم معانيها
{رافع} هوسبب موتي لأن العشق قتااالي

عرفت الحين ياقاضي ليش الدنيا مابيها
دخيلك أستر اللي صار ترا ياكثر عذالي

ذي من قلبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــي


.................................................. .................................................. .................................
إسمع هذي القصيده..واحـــفـظـها..بيت.. بيت
وانـثــر كــل الــمـدامــع ..لاقـريـتها بـسكات

//

واشـهـق بدمـــوع عينك..لاعرفــت وش نـويت
واصــرخ باســمـي..ونادي..وسْط بيتك بانفلات

\\

كــنت انـت حـب عمري..وغير دربك مامشيت
كنت انت راس مالي..مطلبي..في هاالحيــــا(ت)

//


كــنــت احـلا امــنــيــاتـي..وكنت اظن اني بنيت
احـــــلا احــلامــي مــعــاك..يـامـجــرد امـنـيات

\\

من عــطــاك كـل عـمـره..من رفـعلك كل صيت
مـن رسـم بـسـمـة حـيـاتـك..وكـان بـعيونك يبات

//


اذكر..ضـمــة خـفـوقـي..لانــسـوك..وانــز وِيــتِْ
اذكر..قـلـب(ن) نـزف لك مـن عـروقـه تـضـحيات

\\


انـتـهـت فـيـك المـشاعر..انـتـهـت..والقـلـ ب مِيت
مـات يـنـزف مـن طعـونك..من جروحك..مات..مات

//


خـــاتـمة قـصـة غـرامـك...ياحـسـافـه وش خــــذيــت
غــيـر..آآآآهـ..وجـرح كـافـر..ياسـنـيـن(ن)ضـايـعا ت

\\


ماهـقـيـت فـ يـوم بـرحـل..عـن دروبـك..مـاهـقيت
مــاجــبـــرني غـيـر غـــدرك..يـابـقــايا ذكــريـات

//

هـذا انا الـمـلـم جـروحـي..وصـدقـنـي مـاقـويـــت
اكـتـم الـعـبـره واكـابــر..يـوم افـكـر بـالـلـي فـــات

\\


ياسـراب الــعــمر هِـنـت..فـي عـيــوني ..وانـتـهـيتِْ
عيش عمرك في ضياعك..عيش عمرك في شــتــات

//

اكـبر ذنـوبـي..(أحـبـك)..واصـدق ذنـوبـي..وفـيـــت
فـي زمـن فـيـه الـمـشـاعر..لـعـبـه بـيـدينك وهلاك