شعر جديد 2013 , ياللّي تبيني حولك اليوم والغدّ 2014 , جديد أشعار 2014 , شعر ياللى تبي

ياللّي تبيني حولك اليوم والغدّ

. . . . . . وأجمل أوقاتك وقتنا لو جمعنا



نفس الشعور أحمل ولاوقفتي ضدّ

. . . . . . نفس العلاج اللي يشتت وجعنا



لكن انا وقتي رسم لي وحددّ

. . . . . . مانجتمع حتى لو جينا رجعنا



الوقت واقف واعلن المنع واللدّ

. . . . . . أغرانا لكن بالنهايه منعنا



يعني يجمعنا شيّ ماهو مؤكدّ

. . . . . . والمستحيل اقرب من قصة سمعنا



والخطوة أوقفها كثير الترددّ

. . . . . . والوقت أنكرمامشينا وقطعنا



أشوف دونك يكتمل مطلب الندّ

. . . . . . وتشوف دوني بنخفاضٍ ولعنا



واشوف دونك مابقى من أمل شدّ

. . . . . . أقفى ورى شمس الغروب بطمعنا



غابت الشمس وكنت واقف على سدّ

. . . . . . عن مستوى سطح البسيطه رفعنا



نتابع آخر ماتبقّى من الودّ

. . . . . . لين أختفى والليل دونه منعنا



وبقيت حتى الليل مع الفضا أمتدّ

. . . . . . وكفكف عليّ من الفضا ماوسعنا



وقلت آآآه ياقلبي كفى . الحيل إنهدّ

. . . . . . كم لي وكم لك ماشرينا وبعنا



ذاك أختفى وهذا رحل وانت لابدّ

. . . . . . أما معاهم .أوّ. ياقلب معنا



من ارتوى ياقلب صدّر ولا ردّ

. . . . . . ومن رد مايرجع لعدٍ تبعنا



هذا هو خوفي واطلبك واتوددّ

. . . . . . ياقلب لو عاندت تهنا وضعنا



انا معك ياقلب متعب ومجهدّ

. . . . . . يكفي شقى يكفي بناره وقعنا



صارت سراب ولاهب القيض يشتدّ

. . . . . . نهاية القصّة بالذكرى طلعنا



يكفيني أتسلّى بذكراه لوصدّ

. . . . . .ويكفيه يتسلّى بذكراي دعنا



يحبني نعم واحبه بلا حدّ

. . . . . . ليه القضيه قنبلة مجتمعنا



لازم ولد عمه وجده لهم جَدّ

. . . . . . والله ماتسوى شروطه فزعنا



لكن كذا الايام بالمزح والجِدّ

. . . . . . تضحك وتحرق بالخفا ماصنعنا