روائع الشعر العراقي/كاظم اسماعيل كاطع/زَعلانْ بَسْ يا زَعَلْ

بسم الله الرحمن الرحيم اللهم صل على محمد وعلى آله وصحبه أجمعين

زَعلانْ بَسْ يا زَعَلْ
لمٌن تِرِد للصِدِكً
قبل المنادي أجي .... وشلون جيٌه
أجي
أركض ركض محتركً
ياللذتك إبمهجتي.. . . وين ألكًـه
مثلك هوى
لولاك والله أختنكً....
هيٌه شراكة نِفَس لو سكت
كًلبك سكت كًلبي
ويـِدِكَ لــو يـِدِكَ
لوما وكتنه صعُب ماجان أبد
نفتركً
كِلمَنْ مِشه إل حالته
واحد سِكنْ بالغَرٌب .. واحد سِكن
ْ بالشرِكً
*****
كل هالمَسافَه .. البعد!!
وِسوالفَكْ تنسمِع جٌن إحنه
ًحلك إب حلكً
والله عشكًـنا عشكً
يامن إمكًدٌر عَليْ غيرك فصاله صعب
جم دوب أخيٌط و أشكً
حنيت أنه إل شوفتك
واصبرت بس ما صبر قلبي وصرخ !! راح
أطكً
جاباني إلك وإذعنت . . جيتك
بليلة شتا
ظلمه ومطرها رَشكً
وشبعده صار الدرب
خوف..
و رعيـــد
وثلـــــــج
وجفوف إديـــٌه زركً
إبابك طحت ها كمت
ضَمٌيت إدَيٌـــه إوْ رِدِتْ
عالباب بالروح أدكً
بس كالو إلمَن تدكً
كلمن مشه إلحالته
واحد سكن بالغرب
واحد سكن بالشـــــركً

ابيات رائعه وقافيه جميله
سلمت يمناك ع الطرح

تسلم الايادي التي حملت لنا
جميل الكلمة
واناقة المشاعر
رقي وتميز
لك كل التقدير

اشكرك على رقي انتقائك
يعطيك العافيه
ننتظركل ماهو جديد بشوق فلاتبخل

..








يتمايل الياسمين شذى
بجمال متصفحك
تتراقص الورود متعطرة
بروعة ماطرحته أناملك
لروحك أطيب الورد
شُكرًا مُثَــناةٍ
بلا تَوَقف