قلت ابتعد بعض اللقــــاء زيف كــذّاب

قلت ابتعد بعض اللقــــاء زيف كــذّاب

يا ليـــل لا تطـــــوي مسافات الأحباب ..
تـوّ السّهـــــر يا ليــل ما حان مســــــراه ..

أحدن على هـمّــــه قِـفَـل ذيك الأبـــواب ..
وأحدن مـــع خلّه .. ولا ملّ مغنــــــــاه ..

وأحدن جرى دمعــــــه على خدّه أسراب ..
وأحدن نـِـزف جــــرحه ولا فاد مجـــراه ..

وأحدن بَنا حِلمــــــه على عِمْــد وأطناب ..
وأحدن تَهـــدّم به علـــى عِـــزّ مـبنـــــــاه ..

يا ليــــــل يا سـِــــرّ المحبـّين لا غــــــــــاب ..
تدري بـحالي وأنــــــت للحـــــــال مــــأواه ..

تدري وش أقسى مــوت ما بين الأصحاب ..
تلقى وليفك .. واصــدق النـّـاس يبغـــــــاه ..

رجـل ن تودّه .. وأنت له جــاه و أقـــراب ..
اقبــــل عليك .. وبسمته تَسْـبِــق شِفـــــــاه ..

جاني بصوت ن يوصف الـزّيـن بــإعجــاب ..
وان جيت أعِـيـبَه ..قال يا إحســــاس مَـ حلاه ..

قلت ابتعد .. بعض اللقــــاء زيف كــذّاب ..
ما ودّي بجرحك .. ترى الخاطـــــر أقصاه ..

قال العفو .. بعض البشر حيــل جــــذّاب ..
يسرقني بنظــــره .. وقلبــي معــــــه تاه ..

قلت الوجع .. غرسه كِـمـا غرست النـــّاب ..
والحبّ ما هو سهـــل لا جيــت تنســــــاه ..

هذي جروحــي .. من زمن ما حدن طــــاب ..
أمْسـِــي على ذِكْرَه .. وأصبــّح على الـ آه ..

صدري عليل ن مـــا برى دوم مِنصــاب ..
والحزن طاويني .. عسى المــــــوت يبلاه ..

اللي يخـــــونك مـــــــا تبرّيـــه الأسبـــاب ..
واللي يصــــــونك مــــــــــا تِدَنـّـيـه الأفواه ..

الحــبّ مــا يعــــــرف تـقاليــد وانســــــاب ..
الحــبّ صــــدفــــــه ..والمســــاكين تلقـــــاه ..

الحــبّ مـــــات وراعي الهـــمّ قد شـــــــاب ..
والله يـــعينـــــه دام ليـــــلــه معـــــانــــــاه ..

يا ليـــــل حبري دمع .. وإحساسي كتاب ..
وان نامت عيــــــوني .. بوصّيــــــــك تقراه ..

نهيان ,ضي القمر معجبون بهذا

ابيات رائعة
واقتطاف جميل
صح لسان شاعرها
وسلمت الايادي لهذا الجلب الماتع
بانتظار المزيد
تقبلي ودي وتحياتي

ضي
اسعدني مرورك بمتصفحي

بوح جميل
يسعدك ربي

صح الله السان شاعرها وناقلها
سلمتي على رقي انتقائك وجلبك
يعطيك العافيه ياغاليه
وننتظر المزيد من اختياراتك فلاتبخلي
دمتي بسعاده لا تفارقك ماحييتي

نهيان
اسعدني مرورك بمتصفحي

عاشق
اسعدني مرورك بمتصفحي