ضيقة مسـافر ..

ماخذيت من السفر ياكـود زود الضيقـه
ضيقتي دايـم بصـدري رايـحٍ ومعّـود
صرت طيـراً ماجـداه الا كثـر تحليقـه
مايوقّع غير لا مـن الفضـا بـه سّـود
انقل حمول العذاب اللي عجـزت آطيقـه
ويل قلبي من حمـولٍ كـل يـوم تـزوّد
آتعلـق بالصبـر,, ياشينهـا تعليـقـه
والسنين اقفت وقلبـي بالصبـر متجّـود
كان حلمي بهجة الدنيا وجـاء تحقيقـه
قفرةً فيهـا ضريـرً مـن يديـه يقّـود
انغلق دربي وضربـات الزمـان معيقـه
وانخرس صوتي بعد ماكان عذب .. مجّود
وش جدا من لانعس جاه العـذاب يفيقـه
وقال له من بعد ما مّد المواجـع جّـود
يادروب الشوق رديني عـن التشويقـه
الغلا من عقـب ماهبـت هبوبـه هّـود
يوم طالت غيبة الغايـب نثـرت ابريقـه
وصرت في عمري لحالي عايشً متعـوّد
وصار حيلي فالسفر لو زاد قلبي ضيقـه
ولا شكالي خافقي قلت الصبـر يامعّـود

صح السان شاعرها وناقلها
سلمتي على رقي اختيارك وطرحك
ننتظرجديدك فلاتبخلي
دمتي بسعاده

الله الله ياشيخه انتي خطيره.
جدا راقت لي حروفك كلها .
يسلم لنا قلمك المبدع ..

الأصيـــــــــــــله
قرأت هنا
كلمات رائعه من قلم يفيض بما في خاطره
من مشاعر جميله واسلوب راقي
في الكتابه
يعطيك العافيه
وسلمت يمينك أستاذتي
تحياتي لك

سلمت يدآك ..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق ..
لك مني جزيل الشكر والتقدير ..
..}~ مودتي