الروب ... ذوبني ذوب ذوب

الروب ذوبني ذوب ذوب البارحه واليوم ... عيني قد جفاها النوم وانا فكري شاغلني دووم دووم يا ناس والله دوم طيفها مثل طير فوق راسي ... حام حوم دايم دوم **** رف رمشي واستكن القلب وهام للمهام وصار يمشي للامام للامام وانا ما بين احجام واقدام **** يا حمام بلّغ المحبوب عني اني في غرامه هايم هوم والله هوم هوم ومن رايت رسمه بعيني في البلكونه الساعه ثمان والدنيا شوب شوب يرتدي نظارته واصفرالروب وبيده جواله جالكسي وكوب **** ما علينا ... والله قلبي من حشاي فز وذاب ذوب ذوب ذوب وفي خيالي زمّني زم زم بزمتين ابو نهيد منزم من حزامي وحطني قدامه مدري انا في حقيقه ولا حلم وزال عني الغم بعد ما سقاني من كوبه هفة وهفتين مزة غرامه في عددها نوبتين نوبتين **** الاوله مره وحده عن مداها لا تسالوني كم كم والثانيه كنت وياه في غيابة الجب الا دقات القلوب دقه دقه ودقتين وكل منا للثاني يقول ما اتوب ما اتوب عن غرامك ما اتوب مهما دانتني الذنوب بنوب بنوب بنوب **** ومن بدا بدر البدور وجهه شمعدان ونور وشفت الجدايل سود يفتنني والشفاه الحمر سكر نبات على الضفه بات بات والعيون اللي اعتلتهن في سبات كل ما تعطيني نظره ابتسم واقول هات هات هات **** واصبح الحال مني كني باليمن مخزوني عشبة القات هبة علينا نسمة الصبح برفا وبالوفا والعفا تعاهدنا وتواعدنا نرجع للمكان اللي فيه ضي وفيّ وفي نفوسنا نبتغي قصدا وغي وانتم ياللي تطالعون الكلام ادري والله انكم يا سلام يا سلام قد سرحتم ف الخيال هذا حلم ما هو علم ناموا مثلي وابحروا بحر الغرام **** بقلمي / القلم الانيق - العسيف 2020