يا حزينه

ياحزينه !
دوريني في زوايا الياس... في ياس المدينة !
دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
دوري عنّه دخيلك فـ المرايا ..
في وجيه أحلى الصبايا !
في النوايا !
في الزوايا !
في الهدايا !
فـ الزهور اللي تحبّك .. فلها مع ياسمينه !
دوري عنّه دخيلك في صباحك !
في دموعك .. وانشراحك ..!
وسط حزنك !
وارتياحك ..
وسط دفتر مل من نزفه ومن دمعات عينه !
دوريه ..!
فالوجيه اللي تنادي فالغيابات الوجيه !
فالحنين اللي أبيه وفالأنين اللي يبيه !
ولابكى حزنه عليه !
ولابكيتي تذكرينه
... دوريه !
في عيون أطفال مرّوا ... وابتسامه !
وسط صمته ..
لاجفا صوته كلامه ..!
وسط دفترك الحزين ..
يوم كنتي تكتبينه .. يوم صرتي تشطبينه !
دوريه .. !
لاغفى سمعك على صوته ونام !
فـ السكوت
وفـ الكلام !
فـ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدّينك !
واسألي بينك وبينك.!
كيف مرّ فـ يوم عينك لين مات احساس عينك !
وانتي عينه !!
ياحزينه .. !؟
.
.

الله الله الله
اختيار راقي ومميز

اميرة الاميرات
سامحك ربي

يعطيك العافيه ياغاليه
ابدعتي واجدتي باختيارك
يعطيك العافيه ياغاليه
ننتظرالجديد من ابداعاتك اختياراتك
فلاتبخلي
دمتي للابداع والتميز عنوان

سامحك ربي يانقيه..~
حروفك رغم ألمها فهي بآذخة الجمال
تراتلت من القلب الى القلب
كم انتي رائعة حينما تتحفيننا بأطروحاتك
تقبلي حضوري يا جميلة الحضور
تحيتي ومحبتي لسموك

سامحك ربي ايتها الانيقة اختيار ولااروع يااصيلة
اعجبتني هذه اللوحة المعبرة واطربتني

كل التحيات لحضرتك والورد

المتر