تبي حرمه ..؟ أنآ مثلككَ أبي رججآلَ ..

تبي حرمه ؟
وأنا مثلك أبي رجّـــال !!
يشد حبال ظهري إليا البخت خانه ..

تبي حرمه ؟؟
شعرها ليل وعين كنها الفنجال
وأنا مثلك ابي رجال
قليل اقوال واذا ينطق يقطر حكمه لسانه ..

أبيه أفعال ..

وأفعاله تتم بليل كتمانه

تبي حرمه ؟!
وأنا مثلك ابي رجال !!

ماهوب تمثال !
مكون من شنب و عقال

وثوب يسحبه خلفه ...
عجز في كيّـه الغسال

أبي رجّـال له مبدأ ... له أفكار تلخبطني
وضلعي المعوج اليا مال ..
يعرف شلون يضبطني

آبي رجال
لاشفته تذكرت العظيم الله
وذكرت النار والجنه

ابي لي شاعر عذري
له احساس يغرقني

ابي رجال !!
ماهو شاطئ ولاهو رمال

ولا بزنس ولا هو ريال

ولكنه
هموم أمه
وكيف نفوز بالقمه ؟

وكيف نربي الأجيال؟
نخلي بنتنا أنثى
ونخلق في الولد رجال

تبي حرمه ؟
وأنا مثلك ابي رجال !
كثيره بدنيتي الأزوال

وقليل من بينهم رجّـــــــال !!!

عندما ممرت من هنا سرقتني كلماتك واسرتني احاسيسك سيدتي هذا الابداع لا يقدر ب شكر ولا يرد ب وصف حفظك ربي وسلمت وسلم لنا ابداعك

كل الود والاحترام ل شخصك الكريم

دمتي غاليتي ...........سفيره
ذوق رفيع وطرح راااائع
لا عدمنااااك ياااارب

سفيرة الأبتسامه

حـرف قـوي
وكلمـة عذبـة رقيقة
كان نتائج رسـم الجمال
من تلك الأنامـل الذهبية
أظلمك إن قلت مبدعـة سيدتي
فأنتي تستحقي أكبـر من ذلك بكثيـر
شكراً لك , وتقبلي خالص تحياتي