ديوااان الشاعر ســــــلطان زمـــانه

انكشف أمرك وبانت كل نواياك
وماعاد لك اليوم في قلبي مكان

كنت إنت الروح ومالي بها الدنيا سواك
واليوم غدا قلبي على فرقاك زعلان

كنت تغيب وتبتعد وأقول العذر وياك
واتناسى وارجع لك ولكنك غلطان

حسافة كيف ما تقدر منهو أغلاك؟
وأعطاك روحه وقلبه وكل عمره ضمان

حسافه كيف تتجاهل حبيب منهو تمناك
وإلا إنت تجازي اللي يحبك بجحود ونكران

ليه ياعمري تعذب خل ماجفاك
على هونك ياحبيبي تراني إنسان

ما أدري هو الخطا مني وإلا هو خطاك
وإلا أنا صفحة في قصة العاشق الولهان

هي كلها كلمة قولها ! ماأبغاك
هذا جزى قلب يعطي دون حسبان

بنساك وبنسى ذكرياتي معاك
بقولها وبكل تحدى أحبك هذا زمان

خلاص روح ما أبيك ودي أنساك
وبعلن وفات حبك وإنت خسران

خلاص ياقلبي من الحب كفاك
وش لي في حبك كله شقا وأحزان

برحل بعيد والله يهنيك بدنياك
وبأبكي زمانٍ رماني على مثلك خوان