ديوااان الشاعر ســــــلطان زمـــانه

قصتي قِصَه مُفيـده وقِلتْ : أكتبْهَا بسطور ؛؛
ويا عسى مِن كانْ يقرى مِنَّهَا .. ياخِذ عِبَـر"

مغفره وذنوب , والساعه بلا تُوبَـه تدور؛؛
السنه صَارتْ سَريعه حِيلْ , وأحْسِبْهَا شهـر"

عِذتْ أنا مِنْ شَرْ خَناسٍ يوسْوسْ بالصدور؛؛
وما بكيت إلا لوجــه اللــه في ليلة قـدر"

تِختصر مَعنى حياتِكْ كيف تبني لِكْ قصور؛؛
أحْتِــرم رايك ..وهذي تُعتبَـر " وجهَـة نظـر "

زين طيِّب .. دام تِدري إنَّ لِكْ رَبٌ غفـور،،
ليه ما صَلِّيتْ لَجله وما رفعت إيدك شكـر"

حَدِّث العاقِلْ بمَا يُعقَل ..وفي قلبٍ جَسُـور؛؛
وإنْ خطيت بحق غيرك روح قدِّم له عـذر"

رافِقْ الشخص المِثالي اللَّي لو تخطي .. يثـور؛؛
وإن سِمَعت إسْمَعْ مِنْ اللِّي تِلقى في صَمته " دُرر "

وقبل تِسأل عَنْ حياتي وكِيف وجهي شَع نـور؛؛
خلْ كلامي لِكْ وصيَّه وخلْ بعد عِندكْ خبـر"

ما نالْ في الدنيا أحَدْ يا سَائلي غير ( الصبور) ؛؛
والدليل إنِّي صِبرتْ .. وكانت أيامــي تمـر"

لا تقول: الحَلْ إنِّكْ تِلقَى لِكْ,عاشِقْ غَيور؛؛
إنْ حَبِّتِكْ عِينه ترى .. ما حَبِّتِكْ .. عِين الدهـر "

مِثلِكْ أوَّلْ كان حَالي وضِيقتي ونفس الشعـور؛؛
كِنت أقول : شمعنى قلبي في مشاريعَه خسـر"

ما دريت إنَّ الغِيابْ أحيَان أفضَلْ .. مِنْ حضـور؛؛
لِين شِفت " الشمس " تشرق بعد ما يغيب ( القمر )

وما دريت إنَّ التواضُع كنز / ومَكرُوه الغروور؛؛
لِين شِفت إنَّ الغِنى .. في الآخِرَه مِثل الفقـر"

كِنتْ غـافِلْ في حياتي وكِنتْ أجْهَلْهَا الأمور؛؛
لِينْ ربِّي له هدَاني .. وصِرتْ أدَوِّر لِي أجـر"

لا تقول: أعيش يُومي دامي في عمر الزهور؛؛
منت ضامِنْ عُمركْ الباقي .. وقَطَّافْ الزهَـر"

قبل لا تبدي الخطِيئه وتبْنِي لِذنوبك جسور؛؛
خافْ مِنْ ربِّكْ وفكِّـر في وعَد يُوم الحشـر"

مَهْمَا كِنت إنسَان " راقي " وتعشِق أنواع البخور؛؛
التراب .. اللَّي يضمك .. بعد مُوتك .. والقبر !!

ياما قالوا الناس : خايف وقلت : ما فيني قصور؛؛
بَسْ شِفتْ إنَّ الشَّجَاعَه مَعنى ثاني للخطـر"

إيهـ خافْ وكُونْ سَالِم دام هالدنيا بحـور؛؛
والبحر مَهْمَا وفالِكْ طبعَـه ( غدار ) البحـر"

وللشجر إن شفت هامه هذا مِنْ طيب الجذور؛؛
يعني أعمالك جذورك هذي هـي بالمختصر"

القضيه: ما هِـي شخصٍ خالِفَـه شِرطي المرور؛؛
البشر في الدنيا هذي . . . صَار , ياكِلْهَا بشـر"