حاولت أخبّي دمعتي بس الجفا مو محترم !

آلمدخلِ




ياحزني ويا متعتي
. . . أنا بدونك من عدم
لو كنت ابطفي شمعتي
. . . ما عندي فـ بُعدك نسم
هذا انا في رجعتي
. . . زادي : مكاتيب وقلم
حاولت اخبّي دمعتي
. . . بس : الجفا مو محترم !

آلنصَ :

الحزين اللي طموحه يتصل بـك ..
لا تضيق إن كان دق دقــّه وسكــّر ..

لا أسألو عنه بعد ما شح قـلبك ..
وش يسوي ؟ جاوبو : قاعد يفـكر !

إيه أفـكر .. وين تفكيرك وصل بـك ؟
ما استحى من كثر ما أخطيت وتشكـــّر ؟

قلت له : [بنساك ].. وبـ فكره رحل بـك ..
خـايف ومرتاب دونك / ومتعكـــّر ..

وقال : أبنسى حبك ووصلك .. وصلبك ..
وجت فـ باله كلمة [ انساك ] وتذكــّر ..

كنت وافي يوم إذا وقـتك فعل بك ..
لو تذوق المر / صار المر سكـــّر !

يوم كنت أزعلــْـك .. واشوف الزعل بـك ..
وإن سريت إقول : مو كنـه مبـكــّر ؟ ..

وش حصل فيني بـعدك .. ووش حصل بـك ؟
وش حصل حتى ضيـا الوقت يتنـكــّر ؟

ودي إني كل لحظه إتصل بـك ..
بس أقول إنك [ على بالي ] وأسـكــّر ..

مَخرجِ

لآ مزيد ولآ جديد !
إلا إني أسولف مع الأخ / إنتظارك
.. عند دارك !
... على جلد كرسيْ إنتظارك
أجلس أنا و إنتظارك فَ [ إنتظارك ] !

طرح راقي
ومجهود مميز كالعاده
يعطيك الف عافيه يالغلا
بانتظار جديدك الرائع بـ ود وشوق
لكـ مني احترامي وودي

رائعه هي كلماتك
وجميله هي تلك سطورك
صح لسانك ولا هنت
تحياتي لك

طرح في قمة الروعه اخي سلطان

سلمت يداك على الطرح الابداعي

كل الورد والود

كلمات راقت لي كثير
تسلم اناملك ع الطرح الرائع
ويعطيك الف عافية
ننتظر الجديد من كتاباتك