قطرات قلم من بقايا بوح القلب

لي متى قلبي أسيرك
لي متى عيني تهلّ

لي متى أبكي هجيرك
وأنت يمي لك محل

أرتعش الله يجيرك
قلبي اللي ما يملّ

يشتكي قسوة ضميرك
كيف تخدعني وتحل

ما عطيت الحب غيرك
وأنت تجرح ما تملّ

لا تقول لي ما أبي غيرك
الكذب ما يكتمل

عاذلٍ موّت ضميرك
مبعدٍ عنه الخجل

ما له إلاّ في عشيرك
طعن وسيوفٍ تسلّ

وأنت راضي به يشيرك
كيف دربك ما يزلّ
يا حسافه طار طيرك
مدميٍ جرحه يهلّ

وانطفى نجمٍ ينيرك
وأنا بي حلّ الأجل

كثّر الله ألف خيرك
تهدي الموت بعجل