جميع كلمات اغاني عبادي الجوهر

حرف { ب }

بحر النيل

ليه بس كذا يا بحر النيل
انته بتضحك وانا دمعي يسيل ..

انا وحبيبي في جنينه
والورد خيم علينا ..

وطلعت فوق الشجرايه
وقطفت خوخة وعنبايه ..

وطلعت فوق شجر القرفه
واخذت بوسه من الشفه ..

-----------------------------------------

بس معك

بفارق فراقك وبخنق عبرتي ... واجرّح ضمادي واسافر لك معك
بشد للماضي واقدم ساعتي ... واعاند عنادي واقودك واتبعك

بجامل احزاني واجافي فرحتي ... واعادي خلاني واحبك واخدعك
بصير انا طبعك وأنتي طيبتي ... وبيحزنك ضحكي وهلّي بمدمعك

بحارب في ضعفي وافر في قوتي ... وإلى رضختيلي لموتي بدفعك
ولجل اللقاء ببحر وتمضي رحلتي ... وإلى حصل شوفك بكون مودعك

ابوصلك ببعد بسابق خطوتي ... وبنثرك فيني وبنسى اجمعك
بضم أنا هجرك في قربك وحدتي ... وتدلك عيوني وقلبي مضيّعك

واذا قسى ليلي بطفي شمعتي ... واذا كثر زادي بجوع وبشبعك
شردتي رقادي وسمعتي نظرتي ... وغمضت أنا عيوني لجل ما اسمعك

عند الحزن تثقل خطاكي دنيتي ... وعند الفرح قالت خطاكي مسرعك
قصيدتي يكفي كبيرة كذبتي ... حبيبتي آسف بخونك بس معك


كلمات: عبدالرحمن بن مساعد
ألحان: عبادي الجوهر
مقام: كرد
تاريخ: 1996
-------------------------------------------

بعد الفراق

متى تشوفك يا حبيبي عيوني
بعد الفراق اللي جرا يا هوى البال

فيك العواذل كثروا واعذلوني
يا صاحبي ما طعت بك هرج من قال

الناس في حبي عليك احسدوني
تستاهل اشقى فيك واتيه واختال

تعال يمي لا تحرك شجوني
انا محب ٍ معطي ٍ لك بالقبال

لا ياقف احد ٍ دون شوفك ودوني
الحب ماله لذة ٍ غيري بوصال


كلمات: اسير الشوق
ألحان: عبادي الجوهر
مقام: سيكاه
تاريخ: 1992
-----------------------------------

بكلمة

بِكِلمَه
بِكِلمَه من عَرضْ السّوالف
ذكّروني فيك
ألا يا ليت الشّفايف
ما حكوا طاريك
ذكّروني
حيّروني
واجبروني أجيك
بِكِلمَه
بِكِلمَه من عَرضْ السّوالف

إفْتَحَوا دَفتر حنيني
خلّوا أوراقه تِبَعْثر
وأثّرت الكلمه فيني
وأمرت قلبي يتذكّر
رجّعولي ذكرياتي
وغيّروا مجرى حياتي
يا ليتهم يا ليت
ما ذكّروني فيك
يا ليتني فزّيت
قبل يجي طاريك
ذكّروني
حيّروني
واجبروني أجيك
بِكِلمَه
بِكِلمَه من عَرضْ السّوالف

الهوى فيني تجدّد
والصّبر راح و تبدّد
واعتقد اللّي تكلّم
كان قاصد ويتعمّد
كِلمه من عرض السّوالف
فجّرت فيني العواطف
يا ليتهم يا ليت
ما ذكّروني فيك
يا ليتني فزّيت
قبل يجي طاريك
ذكّروني
حيّروني
واجبروني أجيك
بِكِلمَه
بِكِلمَه من عَرضْ السّوالف


كلمات: مبارك الحديبي
ألحان: عبادي الجوهر
مقام: نهاوند
تاريخ: 1993
------------------------------------

بنفترق

تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق

ياوردة في كل الفصول
يافرح عيّى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروح ٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق




كلمات: عبدالرحمن بن مساعد
ألحان: عبادي الجوهر
مقام: بياتي
تاريخ: 1989