دنيا تدور

دنيا مثل كوره تدور

وناس مثلها تلف وتدور

هذي بس بعض سطور

من ناس عانقت شطآن وبحور
------------------------
تغوص فيها تبي تعرف ماضيها

لقيت اللي كان الكل ناسيها

ارجع واسال وين الدنيا واللي فيها

لقيت الكل ضاميها
---------------------------------

دنيا تدور

تعيش حزين

يلازمك الانين

تشوفه بعين

تقول الله يعين
-----------------------------

دنيا تدور

تطير بعيد مثل عصفور

يبني عشه على نخله على صخور

بس لازم يعيش ويصارع الصقور

يدافع عن عياله ماهمه مماته

وان استراح تشوفه في سباته
-----------------------------------
دنيا تدور

ناس تمشي

بعضها يشوف وبعضها مايشوف

وكل واحد لعيشته ملهوف

منهم يلبس حرير

ومنهم يلبس صوف

ومنهم يلبس جلده ويتلحف السما

يشرب يوم والباقي في ضما
----------------------------
دنيا تدور

ياساكنين الفلل والقصور

ترى الدنيا تدور

لايغريكم الحرير والديباج

وسور بيتكم والسياج

مالكم حصن يغيكم الشرور

ولايغيكم يومكم القريب

وبالاخير تعرفون بيتكم الاخير

ولو ماتعرفونه اسالو اهل القبور

صحيح دنيا تدور

إِبداعٌ لَا يُمكنُ أَن يُظَاهيهِ إِلًا أَنت في الجمْالْ, وَ شجنٌ لَا يُمتعنَا الْا إذا كانَ منْ عزفٍ أَناملكْ, راقَ لِـي الطرحُ وَالحضُورْ , عناَقيدُ لُؤْلؤْ لِـ فَخامَتِكْ وَ وَردَةة ,.

كلمات ولا اروع
تسلم اناملك الجميلة أخوي نهيان
التي سطرت لنا هذة السطور الرائعه
لك مني كل الود والاحترام
تحياتي

اقتباس:

المشاركة الأصلية كتبت بواسطة الوردة

إِبداعٌ لَا يُمكنُ أَن يُظَاهيهِ إِلًا أَنت في الجمْالْ, وَ شجنٌ لَا يُمتعنَا الْا إذا كانَ منْ عزفٍ أَناملكْ, راقَ لِـي الطرحُ وَالحضُورْ , عناَقيدُ لُؤْلؤْ لِـ فَخامَتِكْ وَ وَردَةة ,.

الورده
سعدت بحضورك وردك الراقي
لاحرمت طيب تواصلك
دمتي بسعاده لاتفارقك