ولا تحزن

ولا تحزن اذا ما غنت الدنيا على ليلاك
تبسم وانتظر يمكن يجي يوم وتغني لك

ولا تحزن على حزة مغيب الشمس عن دنياك
تغيب وعذرها تاخذ صباح الغير من ليلك

ولا تحزن اذا ما غنت الدنيا على ليلاك
تبسم وانتظر يمكن يجي يوم وتغني لك

ولا تحزن على حزة مغيب الشمس عن دنياك
تغيب وعذرها تاخذ صباح الغير من ليلك

ولا تحزن على أرض اذا صار الوطن منفاك
تمسك باخر ترابه .... لين ترابه يشيلك

ولا تحزن على اسمك ولا شكلك ولا منشاك
تفاصيلك تكون احيان ما تحمل تفاصيلك

ولا تحزن اذا صرت الغريب بطبعك ومبداك
مدام الحلم حلمك لازم التأويل تأويلك

ولا تحزن اذا ما فيه غير الذنب شي أبكاك
دموع الغير وجه الله ما تسوى مناديلك

ولا تحزن على نفسك اذا احرمتها مشهاك
يا كبر الفارق اللي بين تمهيلك وتهميلك

ولا تحزن اذا ماباقي الا ايديك في مخباك
نصيبك كاتبه ربي يجي لك غصب بيجي لك

ولا تحزن لواصحابك ورا ظهرك تصير اعداك
ورا ظهرك بتلقى ناس تفرح لك وتدعي لك

ولا تحزن على اللي ما نسيت انه قدر ينساك
تأكد من يضحي فيك لا يمكن يضحي لك

ولا تحزن اذا تزرع ورود وتجني الاشواك
يجوز العيب من تربتكك ما هو من مخاييلك

ولا تحزن على عثرات عمرك جعلها تفداك
تشوف القادم أجمل كل ما توقف على حيلك

ولا تحزن اذا ما انصفوك الناس في محياك
تموت ويسرفون الناس في مدحك وتبجيلك

ولا تحزن اذا ما راح احد يحزن على فرقاك
من دروب الفراق اختار دربن ما يودي لك

ولا تحزن ولو حتى يصير الحزن من سيماك
ترى الافراح تعني لك لأن الحزن يعني لك

الله على جمال الاختيار
و الطرح
قصيدة راقيه و رائعه
سلمت يمناكك
روعاتكك

الله الله الله
صح الله السان شاعرها وناقلها

سامحك ربي
سلمتي على رقي اختيارك
يعطيك العافيه ياغاليه
ننتظرالجديد من اختياراتك فلاتبخلي
دمتي للابداع والتميز عنوان
وبسعاده لاتفارقك ماحييتي

قصيدة جميلة من شاعر أجمل
شكرا تليق بموكبك الأنيق يا أنيقة
وشكرا على نقلك لهذه القصيدة
للشاعر المبدع فيصل العطاوي
امتناني العميق.