ليت الجروح قصاص واخذ بثاري

ليت الجروح قصاص واخذ بثاري

ليت الجروح قصاص واخذ بثاري
لاجرحك جرحٍ مايداويــه دكتـور

جرحٍ يطفي من لواهيـب نـــاري
ويشفي غليلٍ لاع عالهم والجـــور

سقيت قلبي بالغدر ســــم هــاري
واودعت عقلي تايه الراي مخطـور

ودي قبل موتي ارد اعتبـــــــاري
اخاف اموت وخاطري منك مكسور

على كراسي الجرح طال انتظاري
ماتلتفت لي ليه قاسي ومغـــــــــرور

مفعول غدرك داخل القلب سـاري
مظن في قلبك احاســـــــيس وشعور

لي من كتب ربي عليك انتـصاري
ابتركك في ليل الحزان ماســـــــــــور

لوالجفا بالحب ماهو شــعاري
وحده بوحده وماخذ الثــــار معــــــــذور

محدن بحالي من سوايـــــاك داري
اضحك واجامل والحشا منــــك مقــــهور

لو الوفاء ماله بخاطرك طــــاري
يامحترف تجريـــح قلـــبي من الشـــــور

................

مما راق لي

ضي القمر ,نهيان معجبون بهذا

صح الله السان شاعرها وناقلها
سلمتي على رقي انتقائك وجلبك
يعطيك العافيه ياغاليه
وننتظر المزيد من اختياراتك فلاتبخلي
دمتي بسعاده لا تفارقك ماحييتي

ضي القمر معجب بهذا

صح لسان قايلها
وسلمت اياد نقلتها لنا وامتعتنا بقرائتها والاستمتاع بمعانيها الجميلة
ابيات قمة واختيار فاخر
يعطيك الف عافية على الجلب المميز
لاحرمنا عطاءك
لجهودك التقدير

نهيان
اسعدني مرورك بمتصفحي

ضي
اسعدني مرورك بمتصفحي